Son yeniləmə: 19 Avqust 2022 14:00
BAYRAQDAR MEDİA – Avqustun 19-da Bakı Şəhər Mədəniyyət Baş İdarəsi Xətai rayon Mərkəzləşdirilmiş Kitabxana Sisteminin Mərkəzi Kitabxanasında məşhur azərbaycanlı dirijor və bəstəkar Niyazinin xatirəsinə həsr olunmuş “Dahi maestro” başlığı altında sərgi-söhbət təşkil olunub.
Baş İdarədən verilən məlumata görə, söhbət zamanı, kitabxananın əməkdaşı Fərəhnisə Məmmədova iştirakçılara dahi bəstəkar haqqında ətraflı məlumat verib.
Xəbərdə o da deyilir ki, tədbir zamanı dahi bəstəkar Niyazinin əsərləri səsləndirilib.
Sonda tədbir iştirakçıları sərgi ilə tanış olublar. Sərgidə bəstəkarın əsərləri, foto şəkilləri, həyat və yaradıcılığını əks etdirən materiallar nümayiş olunub.
