BAYRAQDAR MEDİA – Avqustun 18-də müəllimlərin işə qəbulu üzrə müsabiqənin müsahibə mərhələsi başlayıb.
Bu barədə BAYRAQDAR MEDİA-ya Elm və Təhsil Nazirliyindən məlumat verilib.
Bildirilib ki, Bakı şəhəri 18 nömrəli tam orta məktəbdə keçirilən müsahibələrə 5 min 298 nəfər dəvət edilib: “Bu gün biologiya (Azərbaycan və rus bölməsi), informatika, Azərbaycan dili və ədəbiyyat, musiqi fənləri üzrə müsahibələr təşkil olunacaq”.
Avqustun 25-dək davam edəcək müsahibələr zamanı müvafiq komissiya tərəfindən namizədlərin peşəkar kompetensiyaları, psixoloji hazırlığı və ümumi dünyagörüşü proqrama uyğun olaraq yoxlanılacaq.
