BAYRAQDAR MEDİA – Zəngilan rayonu Ağalı kənd tam orta məktəbinə müddətli müqavilə ilə vakansiya seçiminə başlanır.
Bu barədə BAYRAQDAR MEDİA-ya avqustun 17-də Elm və Təhsil Nazirliyindən məlumat verilib.
Məlumata əsasən, vakansiya seçimində müəllimlərin işə qəbulu üzrə müsabiqənin test imtahanı mərhələsində 40 və daha yüksək bal toplamış namizədlər iştirak edə bilərlər: “Müraciət etmək üçün bu linkə daxil olaraq müvafiq məlumatları və vakansiyanı qeyd edərək sorğunu tamamlamaq lazımdır.Vakansiya seçimi üçün son müraciət tarixi 19 avqust saat 18:00 müəyyən olunub”.
