Bayraqdar.info – “Beynəlxalq Ordu Oyunları-2022” yarışları çərçivəsində Qazaxıstanda keçiriləcək “Artilleriya atəşinin ustaları” müsabiqəsində istifadə ediləcək silah və texnikaya baxış keçirilib.
Xəbəri bayraqdar.info-ya avqustun 10-da Azərbaycanın Müdafiə Nazirliyindən veriblər.
“Ölkəmizi müsabiqədə təmsil edəcək artilleriyaçılarımız silah və döyüş texnikası qəbul edib, müsabiqənin mərhələlərinin keçirilməsi üsullarının məşq etdirilməsinə başlayıblar. Həmçinin, hakimlər heyətinin üzvləri təlim sahəsi ilə tanış olublar”, – deyə xəbərdə bildirilir.
O da qeyd edilir ki, müsabiqə avqustun 24-dək davam edəcək.
