Bayraqdar.info – “YAŞAT” Fondu və “ASAN Könüllüləri” Təşkilatının birgə təşkilatçılığı ilə şəhid övladları üçün həyata keçirilən 2-ci “YAŞAT” düşərgəsinin 3-cü həftəsi başlayıb. Bu həftə düşərgəyə Bakı və regionlardan olan 12-14 yaş kateqoriyasından olan 45 uşaq qatılıb.
ASAN xidmətdən bayraqdar.info-ya verilən məlumata görə, açılış mərasimində iştirakçılara düşərgənin proqramı barədə məlumat verilib: “Sonra uşaqlar oyun parkında əyləncəli vaxt keçiriblər. Uşaqların fiziki hazırlığının artırılması məqsədilə Milli Olimpiya Komitəsinin “OCEP”layihəsi çərçivəsində maraqlı estafetlər keçirilib. Ardınca uşaqlar oyun parkında əyləniblər”.
Qeyd edilib ki, düşərgə çərçivəsində mütəmadi olaraq təşkil olunan və uşaqlar tərəfindən böyük maraqla qarşılanan ustad dərsləri keçirilib: “Düşərgə iştirakçıları bu dəfə dibçəkləri sevdikləri rənglərlə boyayaraq, dizayn ediblər. Günə stolüstü idman oyunları ilə yekun vurulub”.
