Son yeniləmə: 22 İyul 2022 13:55
Bayraqdar.info – Bu il avqustun 12-19-da Bosniya və Herseqovinada keçiriləcək Sarayevo Film Festivalında (SFF) 51 film yarışacaq.
Bu barədə Balkan News məlumat yayıb.
Qeyd edilib ki, bu il 28-ci dəfə qapılarını kinosevərlərin üzünə açacaq SFF-dən verilən açıqlamada “Heart of Sarayevo” adlı festivalın mükafatlarını almaq üçün 4 kateqoriyada 51 filmin yarışacağı bildirilib.
Açıqlamada vurğulanıb ki, “bədii film” kateqoriyasında 8, “qısametrajlı film” kateqoriyasında 10, “sənədli film” kateqoriyasında 22 və “tələbə filmləri” kateqoriyasında 11 film yarışacaq. Eyni zamanda 20 filmin dünya premyerası, 8 filmin beynəlxalq, 1 filmin Avropa, 21 filmin regional və 1 filmin isə Bosniya və Herseqovina üzrə premyerası olacaq.
