Son yeniləmə: 20 İyul 2022 14:15
Bayraqdar.info – Ali təhsilin magistratura səviyyəsinə qəbul olmuş şəxslər 25 iyul saat 12:00-dək elektron qaydada portal.edu.az platformasında qeydiyyatdan keçməlidirlər.
Bu barədə bayraqdar.info-ya Dövlət İmtahan Mərkəzindən (DİM) məlumat verilib.
Bildirilib ki, bakalavrlar bu portalda qeydiyyatdan keçərək “Ali və orta ixtisas təhsil müəssisələrinə təhsilalan qeydiyyatı” xidmətini seçməklə müraciət edə bilərlər: “Açılan səhifədə müvafiq qəbul xətti üzrə şəxsi və qəbul məlumatlarının təsdiq edilməsi, həmçinin tələb olunan sənədlərin əlavə edilməsi mümkündür. Eyni zamanda müraciət zamanı sosial baxımdan həssas əhali qrupuna aid edilən ailələrin üzvü olan şəxslərə təhsil haqqından azad olunmaq və təhsil haqqı güzəşti əldə etmək üçün məlumatların təqdim edilməsi hissəsi də mövcuddur”.
Qeyd edilib ki, qeydiyyat 25 iyul saat 12:00-dək davam edəcək: “Qeydiyyat prosesi ilə bağlı ən çox verilən suallar və cavabları ilə buradan buradan tanış olmaq mümkündür. Bakalavrlar əlavə məlumat əldə etmək üçün Təhsil Nazirliyinə müraciət edə bilərlər. Verilən müddət ərzində qeydiyyatdan keçməyən bakalavrlar qəbul olunanların siyahısından xaric ediləcəklər”.
