Bayraqdar.info – Xorvatiyanın paytaxtı Zaqrebdə güləş üzrə U-15 Avropa çempionatı davam edir.
Azərbaycan Güləş Federasiyasından verilən məlumata görə,qitə birinciliyində qadın güləşçilərin ardınca sərbəst güləşçilər mübarizə aparıblar. Bu çempionat sərbəst güləşçilərimiz üçün uğurla yadda qalıb.
Belə ki, Məhərrəm Rzayev (38 kq), Cəfər Cəfərov (44 kq), Rəvan Rəhimli (48 kq) və Səid Paşayev (85 kq) bütün rəqiblərinə qalib gələrək Avropa çempionu olublar.Həmçinin, Həsən Həsənov (44 kq) ikinci, Hüseyn Hüseynov (52 kq), Məhəmməd Abbaszadə (62 kq) və Fərhad Süleymanlı (85 kq) üçüncü yeri tutub.
Bununla da 4 qızıl, 1 gümüş və 3 bürünc medal qazanana Azərbaycanın sərbəst güləş üzrə milli komandası yeni rekorda imza atıb. Azərbaycan eyni zamanda, komanda hesabında 136 xalla 2-ci yeri tutub.
