Sahil Babayev: 2022-ci ilin avqust-sentyabr aylarında daha 500 mənzil və fərdi evin şəhid ailələri və müharibə əlillərinə verilməsi planlaşdırılır
Bayraqdar.info – 2022-ci ilin avqust-sentyabr aylarında daha 500 mənzil və fərdi evin şəhid ailələri və müharibə əlillərinə verilməsi planlaşdırılır.
Bunu əmək və əhalinin sosial müdafiəsi naziri Sahil Babayev KİV-ə müsahibəsində bildirib.
Nazirlikdən bayraqdar.info-ya iyulun 19-da verilən məlumata görə, nazir qeyd edib ki, bu il üçün 1 min 500-dən çox mənzil və fərdi evin şəhid ailələri və müharibə əlillərinə verilməsi nəzərdə tutulur. 2022-ci ilin ilk 6 ayında artıq 600 mənzil təqdim olunub.
S.Babayev 44 günlük Vətən müharibəsindən sonra 3 min 600, ümumiyyətlə ötən dövrdə 12 min 500-dən çox mənzil və fərdi evin şəhid ailələri və müharibə əlillərinə verildiyini deyib: “Ümumilikdə postmüharibə dövründə 100 mindən artıq şəhid ailəsi üzvü və müharibə iştirakçısına 193 min sosial dəstək xidməti göstərilib”.
