Agentlik 2022-ci il kiçik qrant müsabiqəsinin nəticələrini elan etdi
Bayraqdar.info – Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi 2022-ci kiçik qrant müsabiqəsinin nəticələrini elan edib.
Agentlikdən verilən məlumata görə, qrant müsabiqəsinə 7 istiqamət üzrə 584 layihə təqdim olunub. Onlardan 400 QHT layihəsinin maliyyələşdirilməsi haqqında Agentliyin Müşahidə Şurası qərar qəbul edib.
Məlumatda o da bildirilib ki, 22 avqust 2022-ci il tarixinə kimi qrant müqavilələri bağlanmalıdır və müsabiqənin nəticələrinə əsasən qalib elan edilən QHT-lərin 22 avqust 2022-ci ilədək Agentlik qarşısında öhdəliyi (debitor borc) olmamalıdır.
Xatırladaq ki, iyulun 18-də Agentliyinin Müşahidə Şurasının növbəti iclası keçirilmiş, iclasda Agentliyin “2022-ci il kiçik qrant müsabiqəsi”nə təqdim olunmuş layihələr müzakirə edilmiş, müvafiq qərarlar qəbul olunmuşdur.
