Son yeniləmə: 18 İyul 2022 09:42
Bayraqdar.info – Xorvatiyanın paytaxtı Zaqreb şəhərində keçirilən Qran Pri turnirinə yekun vurulub.
Bu barədə Azərbaycan Cüdo Federasiyasından məlumat verilib.
Bildirilib ki, yarışın sonuncu günü (+100 kq) çəkidə yarışan Azərbaycan idmançısı Uşanqi Kokauri təsəlliverici görüşdə braziliyalı idmançı Rafael Silvaya qalib gəlib: “Bunun ardınca üçüncü yer uğrunda mübarizədə gürcüstanlı cüdoçu Qela Zalişvili ilə qarşılaşmalı olan Uşanqi rəqibinin xəbərdarlıq alaraq yarışdan kənarlaşdırılması səbəbindən birbaşa bürünc medalla mükafatlandırılıb”.
O da qeyd edilib ki, bundan əvvəl cüdoçular Yaşar Nəcəfov (-66 kq) qızıl medal , Səid Mollayi (-81 kq) isə gümüş medal əldə edib: “Turnirin ümumi nəticəsinə görə, cüdo üzrə Azərbaycan milli yığma komandası kişilər arasında üçüncü yerdə qərarlaşıb”.
