Bayraqdar.info – Qardaş Özbəkistanın Prezidenti Şavkat Mirziyoyev qardaş Qazaxıstanın birinci Prezidenti Nursultan Nazarbayevlə telefon əlaqəsi saxlayıb.
Xəbəri iyulun 6-da Özbəkistan Prezidentinin Mətbuat xidməti yayıb.
Xəbərdə deyilir ki, Ş.Mirziyoyev N.Nazarbayevi doğum günü münasibətilə təbrik edib, ona möhkəm sağlamlıq, səadət və uğurlar diləyib.
Söhbət əsnasında iki ölkə arasındakı strateji ortaqlıq münasibətlərinin sürətlə irəlilədiyi vurğulanıb.
Eyni zamanda beynəlxalq və regional məsələlər də müzakirə edilib.
N.Nazarbayev xoş sözlərə görə Özbəkistan rəhbərinə təşəkkür edərək ölkədə həyata keçirilən siyasi, ictimai və iqtisadi islahatların uğuruna inamını dilə gətirib.
Söhbətin sonunda Ş.Mirziyoyev N.Nazarbayevi Qurban bayramı münasibətilə də təbrik edib.
Əlavə edək ki, iyulun 6-da N.Nazarbayevin 82 yaşı tamam olub.
