Son yeniləmə: 4 İyul 2022 11:12
Bayraqdar.info – Energetika naziri Pərviz Şahbazovun rəhbərlik etdiyi nümayəndə heyəti Qazaxıstana səfər edib. Səfərdə məqsəd 5 iyul tarixində Nur-Sultan şəhərində keçiriləcək Azərbaycan Respublikası və Qazaxıstan Respublikası arasında ticarət-iqtisadi əməkdaşlıq üzrə Birgə Hökumətlərarası Komissiyanın 18-ci iclasında iştirak etməkdir.
Bu barədə bayraqdar.info-ya iyulun 4-də Energetika Nazirliyindən məlumat verilib.
Bildirilib ki, iclas çərçivəsində Hökumətlərarası Komissiyanın 17-ci iclasından sonrakı dövrdə görülmüş işlərin nəzərdən keçirilməsi, ticarət-iqtisadi, energetika, nəqliyyat, logistika, sənaye və informasiya-kommunikasiya texnologiyaları, kənd təsərrüfatı, qida təhlükəsizliyi və digər sahələrdə əməkdaşlığa dair müzakirələrin aparılması nəzərdə tutulur.
Qeyd edilib ki, Azərbaycan və Qazaxıstan arasında Birgə Hökumətlərarası Komissiyanın həmsədrləri Azərbaycan tərəfdən energetika naziri Pərviz Şahbazov, Qazaxıstan tərəfdən isə Baş nazirin müavini – ticarət və inteqrasiya naziri Baxıt Sultanovdur.
