Son yeniləmə: 30 İyun 2022 10:44
Arslan Kapay Koyçiyev baş katibin müavini oldu
Bayraqdar.info – Türk Dövlətləri Təşkilatı Baş katibinin müavini dəyişib. Belə ki, Qırğız yazar, jurnalist və Qırğız Respublikası Prezidentinin keçmiş baş müşaviri Arslan Kapay Koyçiyev Baş katibin müavini təyin edilib.
Bu barədə Kırım Haber Ajansı məlumat yayıb.
Məlumatda deyilir ki, Qırğız Respublikası Prezident Adminstrasiyasından bununla bağlı mətbuata verilən açıqlamada “Qırğız Respublikası Prezidentinin keçmiş baş müşaviri Arslan Kapay Koyçiyev Türk Dövlətləri Təşkilatı Baş katibinin müavini seçilib. O, tezliklə xidmətə başlayacaq. Onun yeni təyinatı türk dünyası üçün xeyirli olsun” sözləri öz əksini tapıb.
Qeyd edək ki, Arslan Kapay Koyçiyev bu vəzifədə bu ilin martında TÜRKSOY-un Baş katibi seçilən Sultan Rayevi əvəz edəcək.
