Bayraqdar.info – İyunun 30-da Prezident İlham Əliyev Azərbaycanda səfərdə olan üç qardaş ölkənin parlament rəhbərlərini ayrı-ayrılıqda qəbul edib.
Xəbərləri Prezidentin Mətbuat xidməti yayıb.
Xəbərlərdə deyilir ki, İ.Əliyev Özbəkistan Senatının sədri Tənzilə Narbayevanı qəbul edib.
Daha bir qəbul isə Pakistan Senatının sədri Məhəmməd Sadiq Sancrani ilə keçirilib.
Prezident eyni gündə Türkiyə Böyük Millət Məclisinin sədri Mustafa Şentopu da qəbul edib.
Qəbullar zamanı qarşılıqlı fikir mübadiləsi aparılıb, ölkələr arasındakı ikitərəfli münasibətlər müzakirə edilib.
Qeyd edək ki, qardaş ölkə parlamentlərinin rəhbərləri Azərbaycana Qoşulmama Hərəkatı Parlament Şəbəkəsinin ilk toplantısında iştirak üçün gəlib.
Xəbər verdiyimiz kimi, İ.Əliyev Şəbəkənin bu sabah açılan toplantısında çıxış edib.
Prezident Qoşulmama Hərəkatı Parlament Şəbəkəsinin konfransında – VİDEO
