Son yeniləmə: 20 İyun 2022 10:31
Bayraqdar.info – Kuzey Kıbrıs Türk Cümhuriyyətinin qurucu Cümhurbaşqanı Rauf Denktaşın oğlu Serdar Denktaş Atalar günü ilə bağlı maraqlı bir paylaşım edib.
Məlumata əsasən Demokrat Partiyasının keçmiş başqanı öz Facebook hesabındakı paylaşımında mübarizə mesajı verib. Belə ki, Türkiyənin 9-cu Cümhurbaşqanı Süleyman Demirellə Rauf Denktaşın birgə fotosunu paylaşan S.Denktaş şəklin altına atasına ithaf olaraq aşağıdakı sözləri yazıb: “Kaş ki, səni daha çox qucaqlamaq fürsəti yarada bilsəydik. Sənin bu xalq uğrunda mübarizən bizi bu imkandan məhrum etdi. İndi sənin həsrətinlə qurduğun, lakin istədiyin kimi idarə edə bilmədiyimiz dövlətə sarılmışam. Sənin qurduğun dövləti məhv edəcək qərarlara qarşı səndən öyrəndiyim kimi dik dururam və duracağam”.
S.Denktaş KKTC-ni Türkiyədən uzaqlaşdıranlara qarşı mübarizə aparacağını da qeyd edib.
