Bosniyalı gənclər Türkiyədə hərbi təhsil ala bilər

Yazar: Nadir Azəri - Əməkdar jurnalist. Tarix: 17 İyun 2022 10:18

Bayraqdar.info – Bosniyalı gənclər üçün yeni imkan yaradılıb. Belə ki, Bosniya və Herseqovinanın Müdafiə Nazirliyi Türkiyədə Kara Harp Okulu, Hava Harp Okulu ve Gülhane Tıp fakültəsinə qəbul olmaq üçün bosniyalı gənclərdən sənəd qəbuluna başlayıb.

Balkan News xəbər verir ki, müraciətlər çərçivəsində Bosniya və Herseqovinadan Kara Harp Okuluna 14, Hava Harp Okuluna 6, Tıp fakültəsinə isə 2 gənc qəbul ediləcək.

5 ildən 7 ilə qədər olan təhsil müddətində bütün xərcləri Türkiyə ödəyəcək. Tələbələr məzun olduqdan sonra Bosniya və Herseqovina Silahlı Qüvvələrinin kiçik leytenantı kimi peşəkar karyeralarına başlayacaqlar.

Müraciətlər nazirliyin saytı vasitəsilə edilir.

Bölmə: TÜRK DÜNYASI

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »