Son yeniləmə: 16 İyun 2022 12:17
Bayraqdar.info – Dövlət İmtahan Mərkəzində (DİM) TOEFL iBT imtahanı keçirilib.
Bu barədə bayraqdar.info-ya DİM-dən məlumat verilib.
Bildirilib ki, imtahan DİM-in Nəsimi rayonu, Abdulvahab Salamzadə küçəsi, 28 ünvanında yerləşən binasında təşkil olunub: “İmtahanda 17 nəfər iştirak edib. İştirakçılar imtahan nəticələrini ETS-in saytında yaradılmış şəxsi hesab vasitəsilə 6 gün sonra onlayn şəkildə öyrənə bilərlər”.
Qeyd edilib ki, növbəti TOEFL iBT imtahanının 25 iyun 2022-ci il tarixində keçirilməsi nəzərdə tutulur. Qeydiyyatdan keçmək qaydaları haqqında ətraflı məlumatı bu linkdən əldə etmək mümkündür.
