Son yeniləmə: 14 İyun 2022 13:36
Bayraqdar.info – Gənclər və İdman Nazirliyinin dəstəyi, “Vətəndaş Cəmiyyətində Debat” İctimai Birliyinin təşkilatçılığı ilə “Respublika Gənclər Debat Forumu”nun Bakı və Şirvan mərhələlərinin final və mükafatlandırma mərasimləri keçirilib.
Bu barədə bayraqdar.info-ya Gənclər və İdman Nazirliyindən məlumat verilib.
Bildirilib ki, hakimlərin qərarına əsasən, “Bakı Gənclər Debat Forumu”nun Azərbaycan bölməsi üzrə Azərbaycan Memarlıq və İnşaat Universitetinin “Hələ də ehtimal var”, rus bölməsi üzrə isə Azərbaycan Dövlət İqtisad Universiteti “Rubla-manat” komandaları qalib olublar.
Vurğulanıb ki, “Şirvan Gənclər Debat Forumu: Yaz, 2022”nin final mərhələsində debat hakimlərinin qərarına əsasən, qalib “Young Sages” komandası olub.
