Press "Enter" to skip to content

Qazaxıstan Livana yeni səfir təyin edib

Şuşada Vaqifin məqbərəsi önündə qardaş ölkələrin bayraqlarıyla. Soldan ikinci Rəsul Cumalıdır

Bayraqdar.info – Qardaş Qazaxıstanın Prezidenti Qasım-Jomart Toqayev Livana yeni səfir təyin edib. Bu, bacarıqlı diplomat, buna qədər də bir sıra ölkələrdə diplomatik xidmət təcrübəsi olan Rəsul Bereketulı Cumalıdır. Bundan sonra o, ölkəsini Livanda təmsil edəcək.

Xəbəri iyunun 13-də Qazaxıstan Prezidentinin Mətbuat xidməti yayıb.

Qeyd edək ki, eyni zamanda elm adamı olan (politoloq, şərqşünas və publisist) Rəsul Cumalı Azərbaycanla bağlı şəxsdir. O, Ermənistan-Azərbaycan münaqişəsi, onun həlli yolları, eyni zamanda Azərbaycanın başqa önəmli məsələlərində həmişə sözünü demiş, obyektiv mövqeyi ilə seçilmişdir.

Onu da əlavə edək ki, 2021-ci ilin sentyabrında bayraqdar.info-nun qurucu-baş redaktoru Azər Həsrətin dəvətlisi olaraq R.Cumalı bir qrup Orta Asiyalı qonaqla birlikdə Qarabağda, həmçinin Şuşada, eləcə də Azərbaycanın Quzey rayonlarından olan Xaçmaz və Qubada səfərdə olub.

Mission News Theme by Compete Themes.