Son yeniləmə: 13 İyun 2022 11:49
Bayraqdar.info – 2021-2022-ci tədris ilində Bakı Şəhəri üzrə Təhsil İdarəsinin (BŞTİ) tabeliyindəki 92 məktəbdə tikinti, əsaslı və cari təmir işləri yerinə yetirilib.
Bu barədə bayraqdar.info-ya iyunun 13-də BSTİ-nin mətbuat xidmətindən məlumat verilib.
Məlumatda qeyd edilib ki, 4 təhsil müəssisəsi (71, 172, 205, 307 nömrəli tam orta məktəblər) üçün yeni bina və ya əlavə tədris korpusu inşa olunub: “Ehtiyac olan ərazilərdə 4 yeni məktəbin (Hövsan qəsəbəsində yeni məktəb, Binə qəsəbəsində 88, Xocasən qəsəbəsində 33, Yeni Yasamal Yaşayış Massivində 133 nömrəli tam orta məktəblər) tikintisi tamamlanıb”.
Eyni zamanda, ehtiyac olan ərazilərdə 4 yeni məktəbin (Binə qəsəbəsi Bolluq yaşayış massivi, Binə qəsəbəsi Atıcılıq yaşayış massivi (292), Binəqədi rayonu və Kürdəxanı qəsəbəsi (304)) tikintisi ilə əlaqədar son tamamlanma işləri aparılır: “Həmçinin hazırda 3 məktəbdə (35, 87, 263) köhnə korpuslarının sökülərək yenidən tikintisi, 2 təhsil müəssisəsində isə (126, 320) bərpa-gücləndirilmə və əsaslı təmir işləri həyata keçirilir”.
