Son yeniləmə: 9 İyun 2022 12:54
Bayraqdar.info – Gənclər və idman naziri Fərid Qayıbov Azərbaycan Voleybol Mərkəzi ilə tanış olub.
Bu barədə bayraqdar.info-ya iyunun 9-da Gənclər və İdman Nazirliyindən məlumat verilib.
Bildirilib ki, görüşdə nazir müavini Mariana Vasileva, nazirliyin sektor müdiri Elmir Mehdiyev, Azərbaycan Voleybol Federasiyasının (AVF) prezidenti Cavid Qurbanov, AVF-nin vitse-prezidenti Faiq Qarayev və baş katibi Fərid Xəlilov iştirak ediblər.
Nazirə idman qurğusu barədə məlumat verilib və bildirilib ki, bu arena ölkə voleybolunun inkişafı üçün çox mühüm əhəmiyyətə malikdir. Qeyd olunub ki, burada istənilən səviyyəli oyunların keçirilməsi üçün hər cür şərait var.
Görüşdə ölkə voleybolunun inkişafı istiqamətində görülməli olan işlər müzakirə edilib.
