Son yeniləmə: 2 İyun 2022 14:10
Bayraqdar.info – 2020-ci ilin fevralında Azərbaycan Prezidenti İlham Əliyevin İtaliyaya səfəri ikitərəfli əlaqələrin inkişafına böyük təkan verib.
Bunu iqtisadiyyat naziri Mikayıl Cabbarov Azərbaycanda səfərdə olan İtaliyanın Ekoloji Keçid Nazirliyinin dövlət katibinin müavini xanım Vannia Gava ilə görüşündə deyib.
Nazirlikdən bayraqdar.info-ya verilən məlumata görə, M.Cabbarov iki ölkə arasında əməkdaşlığın uğurlu inkişafını, dövlət başçılarının qarşılıqlı səfərlərinin, aparılan danışıqların əlaqələrin genişləndirilməsində mühüm əhəmiyyətini qeyd edib.
Məlumata əsaəsn xanım Vannia Gava iqtisadi əməkdaşlığın genişləndirilməsinə dair səmərəli müzakirələrin önəmini qeyd edib. O, tərəfdaşlığın inkişafı istiqamətləri barədə fikirlərini bölüşüb: “Xanım Vannia Gava Avropada yaranmış təbii qaz tələbatı, eləcə də xammal idxalında olan maraq barədə məlumat verib və bu baxımdan Azərbaycanla əməkdaşlığın vacibliyini qeyd edib.Tərəflər ölkələrimiz arasında iqtisadi tərəfdaşlığın, xüsusilə enerji sahəsində əməkdaşlığın uğurlu inkişafını vurğulayıb, alternativ enerji, azad olunmuş ərazilərimizin bərpa və yenidən qurulmasında əməkdaşlıq barədə fikir mübadiləsi aparıblar”.
