Son yeniləmə: 2 İyun 2022 09:26
Bayraqdar.info – İyunun 3-də Şağan Olimpiya İdman Kompleksində yeniyetmələr arasında həndbol üzrə Azərbaycan birinciliyi başlayacaq.
Azərbaycan Həndbol Federasiyasından (AHF) verilən məlumata əsasən yarışlarda Bakının 3 komandası ilə yanaşı, Gəncə, Mingəçevir şəhərlərindən olan 2006-2008-ci il təvəllüdlü oğlanlar mübarizə aparacaqlar. İki gün davam edəcək yarış Gənclər və İdman Nazirliyi və AHF-in birgə təşkilatçılığı ilə keçiriləcək.
Qeyd olunub ki, yarışın qaliblərinə diplom və hədiyyələr təqdim olunacaq: “Bu yarışla yanaşı, Bakı Şəhər Gənclər və İdman Baş İdarəsi və AHF-in birgə təşkilatçılığı ilə 2006-cı il təvəllüdlü və ondan kiçik yaşlı yeniyetmə qızlar arasında 28 may – Müstəqillik Gününə həsr olunmuş Bakı şəhər birinciliyi də keçiriləcək”.
