Son yeniləmə: 1 İyun 2022 09:37
Bayraqdar.info – İqtisadiyyat naziri Mikayıl Cabbarov Avropa İnvestisiya Bankının (AİB) Cənubi Qafqaz üzrə Regional Nümayəndəliyinin rəhbəri Matsey Çura ilə görüşüb.
Bu barədə bayraqdar.info-ya İqtisadiyyat Nazirliyindən məlumat verilib.
Bildirilib ki, görüşdə Bankın maliyyələşdirmə mexanizmləri barədə məlumat verilib, tərəfdaşlığın genişləndirilməsi istiqamətləri barədə fikir mübadiləsi aparılıb.
Məlumata əsasən tərəflər AİB-lə əməkdaşlığın inkişafı, potensial layihələr, alternativ enerji mənbələrinin, özəl sektorun, xüsusilə KOB-ların maliyyələşdirilməsi, Sahibkarlığın İnkişafı Fondu ilə əməkdaşlıq imkanlarını müzakirə ediblər.
