Son yeniləmə: 31 May 2022 11:45
Bayraqdar.info – Azərbaycan dili (dövlət dili kimi) imtahanında ikinci dəfə iştirak etmək üçün qeydiyyat başa çatır.
Xəbəri bayraqdar.info-ya mayın 31-də Dövlət İmtahan Mərkəzindən veriblər.
“Ali təhsil müəssisələrinə, 9 və 11 illik təhsil bazasında kolleclərə qəbul olunmaq istəyən, lakin mayın 8-də keçirilmiş Azərbaycan dili (dövlət dili kimi) imtahanında iştirak etməyən və ya qeyri-məqbul qiymət alan abituriyentlər bu gün saat 23:59-dək qeydiyyatdan keçməklə Azərbaycan dili imtahanına (ikinci cəhd) yazıla bilərlər”, – deyə xəbərdə bildirilir.
Daha sonra qeyd edilir ki, “ali təhsil müəssisələrinə və 11 illik təhsil bazasında kolleclərə qəbul olunmaq istəyən abituriyentlər buradan qeydiyyatdan keçməlidirlər.
“9 illik təhsil bazasında kolleclərə qəbul olunmaq istəyən abituriyentlər isə buradan qeydiyyatdan keçirlər.
“Abituriyentlər qeydiyyatdan keçmək üçün tələb olunan məbləği (10 manat) şəxsi kabinetlərindəki hesablarına əlavə etməlidirlər”.
DİM onu da bildirib ki, “Azərbaycan dili” (dövlət dili kimi) fənni üzrə ikinci imtahan 12 iyun tarixində keçiriləcək.
“Xatırladaq ki, 2022-ci il mayın 8-də keçirilmiş Azərbaycan dili imtahanında iştirak edən, lakin ali və orta ixtisas təhsili müəssisələrinin müsabiqəsinə qatılmayan 9 və 11-ci sinif şagirdləri ikinci imtahanda iştirak etmirlər. Onların mayın 8-də olan imtahandan topladıqları bal yekun attestasiya sənədinə yazılacaq. Yekun attestasiyası aparılmayan şagirdlər üçün isə sentyabr ayında yenidən imtahan təşkil olunacaq.” Xəbər bu sözlərlə bitir.
