Son yeniləmə: 31 May 2022 11:34
Bayraqdar.info – Azərbaycanda təhsillə bağlı daha bir qurum yaradılıb. Belə ki, Azərbaycan Özəl Təhsil Müəssisələri Assosiasiyası təsis edilib.
Bayraqdar.info xəbər verir ki, bu barədə mayın 31-də Kiçik və Orta Biznesin İnkişafı Agentliyinin (KOBİA) və Təhsil Nazirliyinin dəstəyi ilə keçirilən “Təhsil biznesi: problem və perspektivlər” mövzusunda ictimai müzakirə zamanı məlumat verilib.
Qeyd edilib ki, yeni qurum Azərbaycanın təhsil sektorunda özəl təhsilin inkişafına dəstək verilməsinə, özəl təhsil qurumlarının fikir və təkliflərini yekunlaşdırıb Assosiasiya şəklində eskalasiya edilməsinə hədəflənib.
Təqdimat zamanı vurğulanıb ki, qurum özəl təhsilin fəaliyyəti ilə bağlı qanunvericilik təşəbbüsü ilə də çıxış edəcək. Həmçinin dövlət-özəl təhsil sahəsində əlaqələrin qurulmasına, beynəlxalq qurumlarla əməkdaşlığa da xüsusi önəm veriləcək.
Qarşısına geniş məqsədlər qoyan quruma Azərbaycanda kurslar, məktəbəqədər təhsil, orta özəl məktəblər və özəl ali təhsil ocaqları üzv ola bilərlər. Vurğulanıb ki, tezliklə Assosiasiyanın veb saytı da fəaliyyətə başlayacaq.
[…] Özəl təhsil müəssisələrini bir araya gətirən qurum […]