Son yeniləmə: 26 May 2022 14:41
Bayraqdar.info – Mayın 26-da qardaş Qazaxıstanın Prezidenti Qasım-Jomart Toqayev qardaş Qırğızıstana rəsmi səfərə gəlib.
Bu haqda xəbəri bayraqdar.info-ya Qırğızıstan Prezidentinin Administrasiyasından veriblər.
Xəbərdə deyilir ki, Qırğızıstan Prezidenti Sadır Caparov Q-J.Toqayevi törənlə qəbul etdikdən sonra tərəflər arasında məhdud heyətli görüş olub. Görüşdə iki qardaş ölkə arasındakı vacib məsələlərlə bağlı fikir mübadiləsi aparılıb.
Daha sonra hər iki ölkə Prezidentinin başçılıq etdiyi geniş tərkibli nümayəndə heyətlərinin görüşü olub. Burada konkret istiqamətlər üzrə müzakirələr aparılıb, razılaşmalar əldə edilib. Sonda əldə edilən razılaşmalar əsasında 13 ayrı sənəd imzalanıb.
Dövlət başçıları geniş heyətlə görüşdə ikən Qırğızıstanda Qırğız-Qazax Birgə Ticari-Sənaye-Logistik kompleksin təməli də atılıb.
Sonda hər iki ölkənin prezidenti media önünə çıxaraq açıqlamalar veriblər.
