Son yeniləmə: 23 May 2022 07:58
Bayraqdar.info – Gənclərlə bağlı çoxsaylı önəmli layihələrə imza atan “İrəli” İctimai Birliyi eyni zamanda bir sıra layihələrdə də tərəfdaş qismində çıxış edir.
Bu barədə bayraqdar.info-ya İctimai Birlikdən verilən məlumatda deyilir.
Qeyd edilir ki, Qeyri-Hökumət Təşkilatlarına Dövlət Dəstəyi Agentliyinin dəstəyi, “Sosial və Psixoloji Tədqiqatlar Mərkəzi” İctimai Birliyinin təşkilatçılığı reallaşan daha bir layihədə də “İrəli” İctimai Birliyi tərəfdaş qismində çıxış edir. “Gənclər arasında zərərli dini baxışların sosial-psixoloji reabilitasiyası, dini dözümlülük və multikulturalizmin təbliği” adlı layihə çərçivəsində gənclər arasında dini dözümlülük və multikulturalizmin təbliğinə həsr edilən təlim keçirilib
Bildirilib ki, təlim zamanı AMEA Fəlsəfə və Sosiologiya İnstitutunun baş elmi işçisi, fəlsəfə elmləri doktoru Aydın Əlizadə və AMEA Fəlsəfə və Sosiologiya İnstitutunun aparıcı elmi işçisi, fəlsəfə üzrə fəlsəfə doktoru Radif Mustafayev gəncləri sözüügedən məsələ ilə bağlı ətraflı məlumatlandırıb: “Təlim müddətində həmçinin müasir cəmiyyətdəki bəzi dini cərəyanların radikal baxışlarından və dini dözümsüzlük hallarından qorumaq məqsədilə atılan maarifləndirici addımlar barədə fikir mübadiləsi aparılıb”.
