Son yeniləmə: 20 May 2022 10:56
Bayraqdar.info – Mayın 19-da gənclər və idman naziri Fərid Qayıbov rayon gənclər və idman idarələrinin rəisləri ilə görüşüb.
Bu barədə bayraqdar.info-ya mayın 20-də Gənclər və İdman Nazirliyindən məlumat verilib.
Bildirilib ki, yerli idarələrin fəaliyyətinin daha da təkmilləşdirilməsinin vacibliyini vurğulayan nazir onlara gənclər evləri, olimpiya idman kompleksləri və digər təşkilatlarla daha sıx əməkdaşlıq şəraitində işləməyi tövsiyə edib. Bildirib ki, hər bir idarə öz fəaliyyətini müasir tələblərə uyğun qurmalıdır.
Məlumata əsasən görüşdə nazir müavinləri Mariana Vasileva və İndira Hacıyeva da çıxış ediblər. Çıxışlarda müvafiq olaraq, idman və gənclər siyasəti sahələrində görülməli işlərlə bağlı fikirlər bildirilib, təkliflər diqqətə çatdırılıb: “Görüş zamanı nazir F.Qayıbov gənclər və idman idarələrinin rəislərini dinləyib, onların təklifləri və qaldırdıqları məsələlərlə maraqlanıb.
