Son yeniləmə: 19 May 2022 08:36
Bayraqdar.info – “Öhdəmizə düşən vəzifə Türkiyə və Azərbaycan qardaşlığını daha da dərinləşdirmək, daha da irəli aparmaqdır. Beləliklə gələcəyə güclü və arxayın şəkildə baxa bilərik”.
Bunu Türkiyənin milli müdafiə naziri Hulusi Akar mayın 18-də Azərbaycanın Vətən müharibəsi qazilərini qəbul edərkən deyib. Görüşdə nazir müavini Yunus Emre Karaosmanoğlu və türkiyəli qazilər də iştirak edib.
Nazirlikdə keçirilən qəbul zamanı H.Akar bir sıra önəmli mesajlar verib. Qardaş ölkənin milli müdafiə naziri bildirib ki, Azərbaycan ordusu müharibəni böyük bir uğurla sona çatdırdı.
Görüşdə çıxış edən “Tərxis Olunmuş Hərbçilərin Gəncləri Maarifləndirmə” İctimai Birliyinin sədri Emin Həsənli 44 günlük Vətən müharibəsi zamanı verilən mənəvi və siyasi dəstəyə görə başda Cümhurbaşqanı Recep Tayyip Erdoğan olmaqla Türkiyə dövlətinə və türk xalqına minnətdarlıq edib. O, həmçinin səmimi qəbula görə H.Akara təşəkkür edib.
E.Həsənlinin bayraqdar.info-ya veridyi məlumata görə, azərbaycanlı qazilər görüşdə H.Akara Qarabağda dalğalandırılan Azərbaycan bayrağını hədiyyə ediblər.
Millî Savunma Bakanı Hulusi Akar, Azerbaycanlı gazilerimizi kabulünde Karabağ’da elde edilen başarıya dikkati çeken bir konuşma yaptı. Azerbaycanlı gazilerimiz de Karabağ’da göndere çektikleri bir Azerbaycan Bayrağını Bakan Akar’a hediye etti.https://t.co/rxsIdIsEOY pic.twitter.com/szyWJfC45j
— T.C. Millî Savunma Bakanlığı (@tcsavunma) May 18, 2022
Xatırladaq ki, Azərbaycanın Vətən müharibəsi qazilərinin bir qrupu mayın 13-dən qardaş Türkiyədə səfərdədir. Səfər Azərbaycan Respublikası Qeyri-Hökumət Təşkilatlarına Dövlət Dəstəyi Agentliyi dəstəyi ilə Türkiyə Müharip Qazilər Dərnəyinin dəvəti və “Tərxis Olunmuş Hərbçilərin Gəncləri Maarifləndirmə” İctimai Birliyinin təşkilatçılığı ilə baş tutub.
Millî Savunma Bakanı Hulusi Akar, Azerbaycan Türkü gazilerimizle buluşmasında “Bize düşen görev Türkiye ve Azerbaycan kardeşliğini daha da derinleştirmek daha da ileri taşımaktır. Böylece geleceğe güçlü ve emin şekilde bakabiliriz.” dedi. https://t.co/rxsIdIsEOY#MSB #HulusiAkar pic.twitter.com/LR74VSzqah
— T.C. Millî Savunma Bakanlığı (@tcsavunma) May 18, 2022
