Son yeniləmə: 17 May 2022 09:13
Bayraqdar.info – Mədəniyyət Nazirliyinin “Mədəni gənclik” layihəsi davam edir.
Bu barədə bayraqdar.info-ya Nazirlikdən məlumat verilib.
Bildirilib ki, ötən həftə Azərbaycan Dövlət Akademik Rus Dram Teatrında “Hekayəti-müsyö Jordan və dərviş Məstəli şah” komediyasına baxan Bakı Dövlət Universitetinin tələbələri mayın 17-də Əməkdar artist Fuad İbrahimovun dirijorluğu ilə Bakı Kamera Orkestrinin konsertini dinləyəcəklər: “Azərbaycan Dövlət Akademik Filarmoniyasında “mədəni gənclik” həm əylənmək, həm də öz musiqi zövqlərini formalaşdırmaq imkanı qazanacaq”.
O da qeyd edilib ki, gənc nəsil arasında mədəniyyətin və incəsənətin təşviqinə yönəlmiş layihə Azərbaycan mədəniyyətinin sabahına sahib çıxacaq “mədəni gənc”lərin formalaşdırılmasını hədəfləyir.
