Son yeniləmə: 16 May 2022 16:20
Bayraqdar.info – Azərbaycanda mobil telefon cihazları bazarında araşdırmalar davam edir.
Bu barədə bayraqdar.info-ya İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətindən məlumat verilib.
Məlumata əsasən dünyada baş verən iqtisadi proseslərinfonunda qeyri-ərzaq məhsullarının qiymətində dəyişikliklərlə əlaqədar Dövlət Xidməti antiinihsar qanunvericiliyinin tələblərinin pozulmaması və haqsız rəqabətə yol verilməməsi üçün tədbirləri davam etdirir.
Qeyd edilib ki, bu tədbirlər çərçivəsində Dövlət Xidməti tərəfindənmobil telefon cihazları bazarında fəaliyyət göstərən təsərrüfat subyektlərinə zəruri sənəd və məlumatların təqdim olunmasına dair sorğular göndərilib: “Sorğuda tələb olunansənəd və məlumatları təqdim etməməklə araşdırmanın çevik və effektiv aparılmasına əngəl yaratdığı üçün “ABC-TELECOM” MMC (“Kontakt Home” əmtəə nişanı altında fəaliyyət göstərir) barəsində antiinhisar qanunvericiliyinin tələblərinin pozulması əlamətləri üzrə işqaldırılıb. İşə baxılması barədə məlumatlar Dövlət Xidmətinin rəsmi internet səhifəsində yerləşdirilib”.
