Son yeniləmə: 14 May 2022 08:41
Bayraqdar.info – Azərbaycan Cüdo Federasiyasının (ACF) prezidenti Rəşad Nəbiyev Gürcüstan Cüdo Federasiyasının vitse-prezidenti David Kevxişvili ilə görüşüb.
Bu barədə bayraqdar.info-ya ACF-dən məlumat verilib.
Bildirilib ki, görüş zamanı iki ölkə arasında cüdo idman növü üzrə əməkdaşlıq məsələləri müzakirə edilib, müxtəlif yaş qrupları üzrə milli yığmaların birgə təlim-məşq toplanışlarının, birgə beynəlxalq və regional yarışların təşkil edilməsi barədə razılıq əldə olunub.
Qeyd edilib ki, bu ilin aprelin 13-də ACF-in prezidenti Rəşad Nəbiyev Beynəlxalq Cüdo Federasiyası tərəfindən yaradılan Yeni texnologiyalar və yüksək məhsuldarlıq komissiyasına sədr seçilib: “David Kevxişvili isə komissiyanın direktoru təyin olunub. Görüş zamanı komissiyanın fəaliyyətinin təşkili məsələləri müzakirə edilib, bu istiqamətdə növbəti addımlar müəyyənləşdirilib”.
