Son yeniləmə: 12 May 2022 16:29
Bayraqdar.info – Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) sərgi salonunda kitabxananın balansına yeni daxil olmuş nəşrlərdən ibarət sərgi təşkil edilib.
Bu barədə bayraqdar.info-ya mayın 12-də AMEA-nin Mərkəzi Elmi Kitabxanasının İctimaiyyətlə əlaqələr və informasiya şöbəsindən məlumat verilib.
“Nəşrlər sırasında “Yeni dövrə Liderlə”, “Humanizmlə qətiyyətin vəhdəti”, “Asiya ölkələri beynəlxalq münasibətlər sistemində” (Rza Talıbov), “Azərbaycan Respublikasının Türkiyə Cümhuriyyəti ilə mədəni əməkdaşlığı: 2003-2010-cu illər. Monoqrafiya” (Zaur Məmmədov), “Azərbaycan ədəbiyyatının sönməz məşəli. Əzizə Cəfərzadə-100”, “Riyaziyyat işığı altında kainat” (Zülfiyyə Kişiyeva), “Sözün yaşamaq haqqı” (Şirindil Alışanlı), “XIX əsrin sonu XX əsrin əvvəllərində Şamaxıda təhsil və pedoqoji fikrin inkişafı” (Mənsurə İsmayılova), “İnvestisiya proseslərinin idarə edilməsi” (T.M.Əhmədova), “Travmatologiyanın əsasları” (İsmayıl İsayev) və digərləri yer alıb. Müxtəlif elm sahələrini əhatə edən bu nəşrlər, ənənəvi formada və elektron lövhələrdə sərgilənir.
“Yeni daxil olan ədəbiyyatlardan təşkil olunan sərgi AMEA-nın Mərkəzi Elmi Kitabxanasında bir həftə müddətində davam edəcək”, – deyə məlumatda qeyd edilib.
