Son yeniləmə: 12 May 2022 13:55
Bayraqdar.info – ASAN növbə sistemində yenilik edilib.
Bu barədə bayraqdar.info-ya mayın 12-də Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin ictimaiyyətlə əlaqələr şöbəsindən məlumat verilib.
Qeyd edilib ki, vətəndaşlar mobil tətbiqlə yanaşı, mərkəzlərdə məlumat köşkü vasitəsilə növbəti gün üçün də istənilən xidmətə və istənilən mərkəzə, həmçinin bu saytdan (ASAN Login) onlayn növbə əldə edə bilərlər: “Həmçinin mərkəzlərdə xidməti pəncərələrdə yerləşdirilmiş xüsusi POS-terminallar vasitəsilə bank ödənişlərini onlayn qaydada daha asan həyata keçirmək olar. Yaxın vaxtlarda isə QR kod vasitəsilə ödəmə imkanları yaradılacaq. Burada məqsəd vətəndaşların məmnunluğudur”.
