Son yeniləmə: 10 May 2022 15:09
Bayraqdar.info – Dövlət İmtahan Mərkəzində (DİM) İingilis dili fənni üzrə hazırlıq kursunun növbəti məşğələsi keçirilib.
Bu barədə bayraqdar.info-ya DİM-dən məlumat verilib.
Məluamtda deyilir: “DİM-də ingilis dili fənni üzrə buraxılış imtahanlarında istifadə edilən qiymətləndirmə tapşırıqlarının hazırlanması, ekspertizası və yoxlanılmasına dair hazırlıq kursunun ilk mərhələsinin üçüncü məşğələsi keçirilib”.
Qeyd olunub ki, hazırlıq kursu onlayn formada keçirilib: “Kursda yalnız elektron qeydiyyatdan keçmiş, ixtisası müvafiq fənnə uyğun olan müəllimlər, metodistlər və magistrlər iştirak ediblər. Moderator – Nərminə Əliyeva fənn kurikulumunun müəyyən etdiyi birinci məzmun xətti (Dinləyib-anlama) üzrə dinləmə bacarıqlarının yoxlanılması üçün mətnlərin, mətn əsasında tapşırıqların və onların meyarlarının hazırlanması barədə məlumat verib”.
O da vurğulanıb ki, təqdimat ətrafında müzakirələr aparılıb: “Kurs iştirakçılarını maraqlandıran suallar cavablandırılıb. Hazırlıq kursunun dördüncü məşğələsi növbəti həftə keçiriləcək”.
