Son yeniləmə: 6 May 2022 20:04
Bayraqdar.info – Mayın 8-də Şəmkir rayonunda “KOB Fest” sərgi-satış yarmarkası təşkil olunacaq. Kiçik və Orta Biznesin İnkişafı Agentliyi (KOBİA) Şəmkir sakinlərini və rayonun qonaqlarını yarmarkaya dəvət edir.
Bu barədə bayraqdar.info-ya mayın 6-da KOBİA-dan məlumat verilib.
Bildirilib ki, yarmarkada KOB subyektlərinin istehsal etdikləri qida və qeyri-qida məhsulları, sənətkarların və yaradıcı şəxslərin əl işləri, eləcə də KOB-lar tərəfindən göstərilən xidmətlər təqdim ediləcək. “KOB Fest” çərçivəsində həmçinin, sahibkarlar arasında “B2B” görüşlər keçiriləcək. Eyni zamanda biznes xidmətlər göstəriləcək, eləcə də mədəni-əyləncəli proqram, yaradıcı şəxslər və sənətkarlar tərəfindən master-klasslar təşkil olunacaq.
Vurğulanıb ki, “KOB Fest”in təşkilində məqsəd rayonda KOB subyektləri tərəfindən istehsal olunan məhsulların satışına dəstək olmaq, yerli məhsulların tanıdılması, eləcə də istehsalçılar və təchizatçılar arasında əlaqələrin genişləndirilməsidir: “Şəmkir rayonunda Heydər Əliyev Mərkəzinin qarşısında təşkil olunacaq KOB Fest sərgi-satış yarmarkası saat 10:00-dan 20:00-dək ziyarətçilər üçün açıq olacaq”.
