Son yeniləmə: 6 May 2022 10:29
Bayraqdar.info – Mədəniyyət Nazirliyindən bayraqdar.info-ya mayın 6-da verilən xəbərdə bildirilir ki, BMT-nin Nyu-Yorkdakı Baş Qərargahında təşkil edilən tədbirdə Azərbaycanın, Albaniyanın, Ermənistanın, ABŞ-ın, Pakistanın, İspaniyanın və digər üzv dövlətlərin BMT-dəki Daimi Nümayəndələri iştirak edib.
Tədbirdə mədəniyyət naziri Anar Kərimov çıxış edərək bildirib ki, 2021-ci ildə Azərbaycanın təşəbbüskarlığı ilə başlayan “Mədəniyyət naminə sülh” lahiyəsi ilə bağlı fəaliyyət planı artıq hazırdır. Nazir qeyd edib k, “Mədəniyyət naminə sülh” qlobal çağırışının əsas istiqaməti post münaqişə dövründə olan ölkələrin işğaldan azad olunmuş ərazilərində mədəni infrastrukturu dirçəltmək, milli-mənəvi dəyərləri yenidən həmin torpaqlara qaytarmaq üçün davamlı sülhün təmin edilməsidir.
“Mədəniyyətlərarası dialoqun gücləndirilməsi davamlı sülhün qorunması üçün əvəzsizdir. Azərbaycan tolerant və müxtəlif mədəniyyətli ölkədir. Tarix boyu milliyətindən asılı olmayaraq hər kəsin bərabər hüquqa malik olub, sülh içində yaşayıb-yaratmağına təkan verib. Gerçəkləşən layihə də bu amala xidmət edir.
“A. Kərimov layihəni dəstəkləyən bütün üzv dövlətlərə təşəkkür edərək, vurğulayıb ki, dünyamız üçün vacib olan mədəniyyət naminə sülh təşəbbüsümüz BMT-yə üzv olan ölkələrə tövhəsini verəcəyinə şübhəsi yoxdur.
O, söyləyib ki, bu təşəbbüsü BMT-yə üzv olan dövlətlərin dəstəklənməsi olduqca sevindirici haldır. Bundan sonra da layihənin beynəlxalq maraqlı tərəflərin dəstəyini qazanacağını və mədəni sülhün təmin olunmasında beynəlxalq ictimaiyyətə tövhələrini verəcəyini bildirib.
“Nazir çıxışında onu da qeyd edib ki, biz mədəniyyət naminə sülhə inanırıq.
“Mərasimdə BMT-nin Sivilizasiyalar Alyansının ali nümayəndəsi Migel Angel Moratinos “Mədəniyyət naminə sülh” təşəbbüsünə görə Azərbayana təşəkkür edib. Layihəyə dəstək verən BMT-yə üzv olan dövlətlərin daimi nümayəndələri də çıxışlarında, dünyada sülh çağırışı edən Azərbaycan haqda xoş fikirlərini söyləyiblər.
“Sonda A.Kərimov və BMT-nin Sivilizasiyalar Alyansının ali nümayəndəsi Migel Angel Moratinos arasında “Mədəniyyət naminə sülh” (Peace4culture) qlobal çağırışının mütəşəkkil fəaliyyət planını imzalayıblar.”, – deyə xəbərdə qeyd edilib.
