Son yeniləmə: 4 May 2022 09:28
Bayraqdar.info – Mayın 4-ü saat 11:00-dan etibarən 2022-2023-cü tədris ili üzrə ümumi təhsil müəssisələrinin birinci siniflərinə şagird qəbuluna başlanılır. Ümumi təhsil müəssisələrinin I siniflərinə qəbul prosesi elektron portalı vasitəsilə aparılacaq.
Bu barədə məlumat bayraqdar.info-ya Təhsil Nazirliyindən daxil olub. Məlumatda deyilir ki, Azərbaycan bölməsi üzrə məktəb seçimi prosesinə isə mayın 6-dan başlanılacaq.
“Mayın 6-da dövlət ümumi təhsil müəssisələrinin tədris digər dillərdə aparılan birinci siniflərinə qəbulla bağlı müsahibəyə yazılmaq üçün qeydiyyat prosesinə də başlanılacaq. Birinci sinfə qəbulla bağlı elektron qeydiyyat prosesi 14 sentyabr 2022-ci il tarixində başa çatacaq”, – deyə xəbərdə qeyd edilib.
