Press "Enter" to skip to content

Ersin Tatar İngiltərəyə səfər edəcək

Yazar: Nadir Azəri - Əməkdar jurnalist. Tarix: 29 Aprel 2022 13:35
Ersin Tatar
Ersin Tatar

Son yeniləmə: 29 Aprel 2022 11:46

Bayraqdar.info – Kuzey Kıbrıs Türk Cümhuriyyətinin Cümhurbaşqanı Ersin Tatar İngiltərəyə səfər edəcək.
Səfər mayın 3-də gerçəkləşəcək.

Bu barədə bayraqdar.info-ya KKTC Cümhurbaşqanlığından məlumat verilib.

Bildirilib ki, xanımı Sibel Tatarla birlikdə mayın 3-də adadan ayrılacaq Ersin Tatar Londonda bir sıra yüksəksəviyyəli görüşlərdə və tədbirlərdə iştirak edəcək. Səfər çərçivəsində KKTC Cümhurbaşqanı İngiltərədəki Kıbrıs Türk Dərnəkləri Şutrasının üzvləri ilə də bir araya gələcək.

Səfər zamanı E.Tatar həmçinin Türk İcması Futbol Federasiyasının təşkil edəcəyi 1-ci Prezident Kuboku Futbol yarışına baxaraq qalib komandalara və idmançılara mükafatlar təqdim edəcək.

KKTC Cümhurbaşqanı təmasları çərçivəsində Kıbrıs Türk Ticarət Palatasının London ofisinin açılış mərasimində iştirak edəcək, Kıbrıs türk iş adamları və mətbuat nümayəndələri ilə görüşəcək.

Səfərin mayın 8-də başa çatması gözlənilir.

Bölmə: TÜRK DÜNYASI

Nadir Azəri - Əməkdar jurnalist
Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »

One Comment

Comments are closed.

Mission News Theme by Compete Themes.