Bayraqdar.info – Çində insanlarda H3N8 virusuna ilk yoluxma halı qeydə alınıb.
Bununla bağlı məlumatda deyilir ki, Çinin Henan əyalətində 4 yaşlı uşağın H3N8 quş qripinə yoluxduğu təsdiqlənib. Çin alimləri izah ediblər ki, infeksiyaya səbəb olan virus 1889-cu il pandemiyasından qalma, atlarda və itlərdə də aşkar edilən ştamın bir növüdür.
Çin Milli Səhiyyə Komissiyasının açıqlamasında Henan əyalətinin Zhumadian şəhərindən olan bir uşaqda aprelin 5-də qızdırma və digər simptomlar aşkar edildiyi və vəziyyəti pisləşdiyi üçün aprelin 10-da xəstəxanaya yerləşdirildiyi bildirilib. Aparılan analizlər nəticəsində həmin uşaqda quş qripi virusu olan H3N8 aşkarlanıb.
