Son yeniləmə: 27 Aprel 2022 09:44
Bayraqdar.info – Energetika Nazirliyinin “974” Çağrı mərkəzinin fəaliyyətinin 4 ili tamam olur. Mərkəz 27 aprel 2018-ci ildə vətəndaşların müraciətlərinə baxılması işinin səmərəli təşkili, daxil olan müraciətlərin çevik qəbulu və icrasının təmin edilməsi, energetika sahəsinə və nazirliyin səlahiyyətlərinə aid olan məsələlərə operativ baxılması məqsədilə fəaliyyətə başlayıb.
Bu barədə bayraqdar.info-ya Energetika Nazirliyindən məlumat verilib.
Bildirilib ki, çağrı mərkəzi qanunvericiliklə verilən səlahiyyətlər çərçivəsində daxil olan müraciətlərin, o cümlədən ərizə, şikayət, sorğu, sual və təkliflərin qəbulu, baxılması və operativ cavablandırılması sahəsində müvafiq işlərin təşkilini həyata keçirir: “Mərkəz Nazirliklə bərabər, Nazirliyin tabeliyində olan Enerji Məsələlərini Tənzimləmə Agentliyi və Bərpa Olunan Enerji Mənbələri Dövlət Agentliyinə ünvanlanmış müraciətləri də qəbul edərək mərkəzlədirilmiş rejimdə fəaliyyət göstərir”.
VətəndaşlarÇağrı mərkəzinə qaz təchizatı, elektrik və istilik enerjisi, bərpa olunan enerji və digər məsələlərlə bağlı öz müraciətlərini ünvanlayır. Mərkəzdə müraciətlər dərhal qeydiyyata alınaraq, aidiyyəti üzrə icraçıya yönləndirilir.
Müraciətlərə obyektiv və operativ şəkildə baxılır. Əsas məqsəd vətəndaşları yüksək həssaslıqla dinləmək, müraciətlərini qəbul etmək və yaranmış problemin həlli üçün dərhal tədbir görülməsinə nail olmaqdır.
Cari ilin aprel ayında “Media Təhlil Mərkəzi” İctimai Birliyitərəfindən dövlət və özəl qurumların Çağrı mərkəzlərinin işinin qiymətləndirilməsiməqsədilə keçirilmiş sorğu nəticəsində Energetika NazirliyininÇağrı mərkəzininfəaliyyəti on ballıq şkala üzrə 9-10 balla qiymətləndirilib. Sorğuda Çağrı mərkəzlərinin xidmət operativliyi, vətəndaşlarla danışıq səviyyəsi, suallara verilən cavablar və problemlərin həllinə obyektiv, düzgün yanaşma meyarları əsas götürülüb.
Çağrı mərkəzinin xidmətlərindən istifadə etmək üçün vətəndaşlarBakı şəhəri üzrə “974”, bölgələrdən və ölkəmizdə mövcud olan bütün mobil operatorlardan “012 974”, həmçinin (012) 598-16-53, (012)598-16-54, (012) 598-16-55 (Qaynar xətt) nömrələrinə zəng etməkləÇağrı mərkəzinə müraciət edə bilərlər.
