Son yeniləmə: 26 Aprel 2022 11:33
Bayraqdar.info – Taekvondo üzrə Sumqayıt şəhər birinciliyinə yekun vurulub. Sumqayıt Taekvondo Mərkəzində iki gün davam edən uşaq zorakılığına qarşı mübarizəyə həsr olunmuş yarışda 2008-2010-cu və 2011-2013-cü il təvəllüdlü oğlan və qızlar iştirak ediblər. Taekvondo üzrə şəhər birinciliyi Sumqayıtın Gənclər və İdman Baş İdarəsinin təşkilatçılığı ilə keçirilib.
Baş İdarədən bayraqdar.info-ya bildirilib ki, əsas məqsəd uşaq və yeniyetmələr arasında uşaq zorakılığına qarşısı mübarizədə maarifləndirmə işlərinin aparılması və bu yaş qrupları üzrə şəhər yığma komandasının komplektləşdirilməsidir. Şəhər birinciliyində 70-dən artıq gənc idmançı qalib adı uğrunda mübarizəyə qatılıb.
Yekunda yarışın qalib və mükafatçılarına baş idarə tərəfindən fəxri fərman, medal və hədiyyələr təqdim olunub.
