Bayraqdar.info – Əmək və Əhalinin Sosial Müdafiəsi Nazirliyi tərəfindən dövlət icbari şəxsi sığortası sahəsində elektron infrastrukturun yaradılması nəticəsində həmin sığorta ödənişlərinin də elektron sistem üzərindən proaktiv təyinatı mexanizmi qurulacaq.
Bu barədə bayraqdar.info-ya Nazirlikdən məlumat verilib.
Məlumata əsasən sığorta hadisəsindən sonra zərərçəkmiş şəxsin özünə, vəfat etdiyi haldavərəsələrinin müraciətinə və hər hansı sənəd təqdim etməsinə ehtiyac qalmadan sığorta ödənişi avtomatik təyin ediləcək.
Həmçinin aidiyyəti şəxsin e-sistemdə qeyd olunmuş telefon nömrəsinə bu barədə SMS-bildiriş göndəriləcək.
Bildirilib ki, hazırda həmin e-infrastrukturun əsasını təşkil edəcək “Dövlət İcbari Şəxsi Sığorta” altsisteminin qurulması işləri davam edir: “Nazirlik tərəfindən elektron xidmətlərin dairəsi mütəmadi genişlənir. Qurum üzrə 175 xidmətdən hazırda 110-u elektron, habelə 46-sı proaktiv qaydada göstərilir”.
