Son yeniləmə: 26 Aprel 2022 09:14
Bayraqdar.info – “Gənc Mühasiblər” İctimai Birliyinin “Kiçik və Orta Sahibkarlıq mühasibləri üçün Peşəkar Mühasib Sertifikatı ilə bağlı maarifləndirici tədbirlərin təşkili” layihəsinin icrası davam edir.
Bu barədə bayraqdar.info-ya İctimai Birlikdən məlumat verilib.
Bildirilib ki, layihə çərçivəsində növbəti seminar Gəncədə olub. Seminarın keçirilməsində məqsəd mühasiblərin və mütəxəssislərin iştirakı ilə peşəkar mühasib sertifikatının əldə edilməsi prosesinin təşkili, PMS-in əhəmiyyəti, PMS almağın üstünlükləri, imtahanların keçirilməsi, həmçinin mövzu ilə bağlı iştirakçıları maraqlandıran digər məsələlərin müzakirə edilməsidir.
İctimai Birliyin sədri Solmaz Əliyeva çıxış edərək hər kəsə uğurlar arzu edib.
Sonra PMS üzrə mütəxəssis, Azərbaycan Dövlət Aqrar Universitetində Mühasibat uçotu və Audit kafedrasının baş müəllimi İsa Şəfiyev gənc mühasiblərə təlim keçib.
Sonda iştirakçılara maraqlı olan PMS imtahanı ilə bağlı suallara cavablar verilib.
