Son yeniləmə: 25 Aprel 2022 16:04
Bayraqdar.info – Qobustan Milli Tarix- Bədii Qoruğunun və Dağçılıq İdman Klubunun təşkilatçılığı ilə Qoruq ərazisində “Qobustan trail” cığır qaçışı keçirilib.
Qoruqdan bayraqdar.info-ya bildirilib ki, qaçış dairəvi marşrut üzrə Muzey binasından başlayıb və Qoruğun ərazisini əhatə edib. Marafona 100-dən artıq idmançı qoşulub. Sonda marafon iştirakçılarına qalib olduqları yer üzrə medallar təqdim olunub, xatirə şəkilləri çəkilib.
Bölmə: İDMAN, MƏDƏNİYYƏT və XƏBƏRLƏR
Bu yazarımız 7 may 2022-ci il tarixindən bayraqdar.info-dan ayrılıb. Bayraqdar.info-nun redaktoru Sevda Əskər Şirvan (keçmiş Əli-Bayramlı) şəhərində anadan olub. 1997-ci ildə Azərbaycan Dövlət Pedaqoji Universitetinin Filologiya Fakültəsini bitirib (qiyabi). 1993-cü ildən Neftçala rayonunun Xolqaraqaşlı, 1995-ci ildən isə Kürqarabucaq kənd məktəbində müəllim kimi çalışıb. 1996-cı ildən Bakıda “Kirpi” jurnalı, “Hürriyyət”, “Bu gün”, Şərq”, “Reytinq”, “Vətəndaş Həmrəyliyi”, “Olaylar”, “Assa İrada” İA, “Səs”, “Millətçilik”, “Qazilər”, ATV, Qubada fəaliyyət göstərən “Qafqaz” TV kimi media qurumlarında çalışıb. Yazıları Moskvada “Millətin səsi” qəzetində, Türkiyənin “Ocaq” və “CanAz” saytlarında dərc edilib. Eyni zamanda bir neçə QHT-də ekspert kimi çalışıb. 2011-ci ildə hazırladığı “İçərişəhərin əkiz tayı Lahıc” yazısı Prezident Kitabxanasında saxlanılır. Bu illər ərzində bir sıra beynəlxalq və yerli təşkilatdan mükafatlar alıb. JuHİ və CASCFEN-in üzvüdür. İngilis dili və psixologiya kurslarını bitirib. sevda@bayraqdar.info
