Dondurma, un, ət, dondurulmuş meyvələr məhv edildi

Yazar: Sevda Əskər. Tarix: 19 Aprel 2022 14:11

Yararsız qida

Son yeniləmə: 19 Aprel 2022 13:04

Bayraqdar.info – Azərbaycan Qida Təhlükəsizliyi Agentliyi (AQTA) istehlakçı hüquqlarının qorunması, həmçinin qida zəncirinin bütün mərhələlərində qida təhlükəsizliyinin təmin edilməsi istiqamətində tədbirləri davam etdirir.

AQTA-dan bayraqdar.info-ya bildirildiyinə görə, “Camal LTD” MMC-nin Agentliyə müraciəti əsasında, istehlaka yararsız və istifadə müddəti bitmiş, ümumi çəkisi 3 min 250 kq dondurma, un, ət və dondurulmuş meyvə-tərəvəz məhsulları “Təhlükəli Tullantılar” MMC-yə məxsus tullantıların zərərsizləşdirilməsi poliqonunda məhv edilib.

AQTA bildirir ki, əhalinin sağlamlığının qorunması və təhlükəsiz qida məhsulları ilə təmin edilməsi üçün ardıcıl tədbirlərini davam etdirir və istehlakçı hüquqlarının pozulmasına yönəlmiş qanunsuz halların qarşısının alınması istiqamətində müvafiq addımlar atır.

Əlaqəli

Bölmə: İQTİSADİYYAT və XƏBƏRLƏR

Azərbaycan Qida Təhlükəsizliyi Agentliyi (AQTA)

Sevda Əskər

Bu yazarımız 7 may 2022-ci il tarixindən bayraqdar.info-dan ayrılıb. Bayraqdar.info-nun redaktoru Sevda Əskər Şirvan (keçmiş Əli-Bayramlı) şəhərində anadan olub. 1997-ci ildə Azərbaycan Dövlət Pedaqoji Universitetinin Filologiya Fakültəsini bitirib (qiyabi). 1993-cü ildən Neftçala rayonunun Xolqaraqaşlı, 1995-ci ildən isə Kürqarabucaq kənd məktəbində müəllim kimi çalışıb. 1996-cı ildən Bakıda “Kirpi” jurnalı, “Hürriyyət”, “Bu gün”, Şərq”, “Reytinq”, “Vətəndaş Həmrəyliyi”, “Olaylar”, “Assa İrada” İA, “Səs”, “Millətçilik”, “Qazilər”, ATV, Qubada fəaliyyət göstərən “Qafqaz” TV kimi media qurumlarında çalışıb. Yazıları Moskvada “Millətin səsi” qəzetində, Türkiyənin “Ocaq” və “CanAz” saytlarında dərc edilib. Eyni zamanda bir neçə QHT-də ekspert kimi çalışıb. 2011-ci ildə hazırladığı “İçərişəhərin əkiz tayı Lahıc” yazısı Prezident Kitabxanasında saxlanılır. Bu illər ərzində bir sıra beynəlxalq və yerli təşkilatdan mükafatlar alıb. JuHİ və CASCFEN-in üzvüdür. İngilis dili və psixologiya kurslarını bitirib. sevda@bayraqdar.info

Yazarın başqa yazıları: Sevda Əskər