Son yeniləmə: 14 Aprel 2022 09:43
Bayraqdar.info – Aprelin 19-dan 22-dək sərbəst və yunan-Roma güləşi üzrə U-17 Azərbaycan çempionatı keçiriləcək.
Azərbaycan Güləş Federasiyasından bayraqdar.info-ya verilən xəbərdə bildirilir ki, yeniyetmələrin ölkə birinciliyi COVID-19 pandemiyası ilə əlaqədar olaraq, 3 illik fasilədən sonra baş tutacaq. Fövqəladə Hallar Nazirliyinin (FHN) İdman Sağlamlıq Mərkəzində təşkil olunacaq çempionatın keçirilməsində məqsəd güləşin təbliği, bu idman növündə kütləviliyə nail olmaq və qarşıdan gələn mühüm beynəlxalq yarışlar ərəfəsində müvafiq milli komandaların heyətinin yenidən formalaşdırılmasıdır. Beynəlxalq və milli dərəcəli hakimlərimizin idarə edəcəyi yarışın medalçıları U-17 yaş qrupu üzrə yığma komandaların heyətinə cəlb olunacaq.
“Çempionatın proqramı ilə tanış olun:
19 aprel
45 kq, 51 kq, 60 kq, 71 kq, 92 kq (sərbəst güləş)
20 aprel
48 kq, 55 kq, 65 kq, 80 kq, 110 kq (sərbəst güləş)
21 aprel
45 kq, 51 kq, 60 kq, 71 kq, 92 kq (yunan-Roma güləşi)
22 aprel
48 kq, 55 kq, 65 kq, 80 kq, 110 kq (yunan-Roma güləşi)
Görüşlər hər gün saat 10:30-da başlayacaq. Medallar uğrunda qarşılaşmalar isə 16:30-da başlayacaq. Yarışın təntənəli açılış mərasimi aprelin 19-da saat 16:00-da başlayacaq”, – deyə xəbərdə bildirilir.
