Səfir TÜİB-in İdarə Heyətinin iclasında iştirak edib

Yazar: Nadir Azəri - Əməkdar jurnalist. Tarix: 13 Aprel 2022 09:23

Bayraqdar.info – Türkiyə və Azərbaycan İş Adamları və Sənayeçiləri İctimai Birliyinin (TÜİB) İdarə Heyətinin növbəti iclası olub. İclasda Türkiyənin Azərbaycandkı səfiri Cahit Bağcı da iştirak edib.

Məlumat üçün bildirək ki, diplomat bununla bağlı Twitter hesabından paylaşım edib. Paylaşımda “TÜİB İdarə Heyətinin toplantısına qatılaraq Türkiyə-Azərbaycan iqtisadi və ticarət əlaqələrinə dair fikir və dəyərləndirmələrimi bölüşdüm” sözləri öz əksini tapıb.

Onu da qeyd edək ki, TÜİB işğaldan azad olunmuş torpaqlarda aparılan quruculuq-abadlıq işlərində daha da yaxından iştirak etməkdə qərarlıdır. Qurumdan bayraqdar.info-a bildirilib ki, son toplantıda bu məsələ ətrafında da fikir mübadiləsi aparılıb.

https://twitter.com/cahitbagci/status/1513915473682960384

Bölmə: TÜRK DÜNYASI

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »